51.
Егда кого узриши молитв не любяща,
хвалу Богу даяти в церковь не ходяща,
Вежд, яко Дух Господень в нем не почивает,
Иже леность изгонит, к молбам возбуждает,
Но дух тамо лукавый сон гнусный наводит,
из матери лености души гибель родит.
54.
В саде древо требует напоенно быти,
да бы благия ему плоды приносити.
Иначе благих плодов древо не рождает,
за ненапоение само иссыхает.
Тако в Церкви человек имать нужду многу
проливать молитвы ко Господу Богу.
Тогда душа, яко водою, поится,
егда ум со слезами теплыми молится.
От того поения преплодна бывает,
всякия благостыни обильно рождает.
Кроме же молитв сущи, неплодна творится,
праведно же изреку: конечно мертвится.
Молитва во грех
Молитва тогда во грех ко Богу бывает,
егда кто возбраненных от Него желает,
А кто злых вещей просит, хулы отригает,
ибо злых виновника Бога содевает.
Труд и молитва
Благо богомыслием ум наш упражняти,
купно же и ко трудом руки прилагати.
Марфа бо с Мариею купно пребываше,
богомыслие сия, ова труд являше.
Единою Мария труда удалися,
егда слушати слово Христа приложися.
Абие сестра Мария на ню скорбна бяше,
и Христу Спасителю ту оглаголаше.
И преобщая притча обыче вещати,
молися и трудися, Господь готов дати.
2.
Рахиль и Лия сестры себе бяху,
с единым мужем спряжены живяху.
Видение же Рахиль знаменает,
трудящуюся Лия изъявляет.
Красна бе Рахиль, Лия – паки плодна,
и та, и ова мужу бе угодна.
Богомыслие чрез Рахиль непщуйте
красно, чрез Лию труд плоден умствуйте.
И обе сестре во вас сочетайте,
в богомыслии и трудех бывайте.
Тако Христове угодни будете,
в чертозе его вечно пребудете.
<1678>
Димитрий Ростовский
(1651–1709)
«Иисусе мой прелюбезный…»
Иисусе мой прелюбезный,
сердцу сладосте,
Едина в скорбех утеха,
моя радосте.
Рцы души моей: твое есмь
Аз спасение,
Очищение грехов и
в рай вселение.
Мне же Тебе, Богу,
благо прилеплятися,
От Тебе милосердия
надеятися.
Никто же мне в моих бедах,
грешному, поможет,
Аще не Ты, о всеблагий
Иисусе Боже!
Хотение мне едино
с Тобою быти.
Даждь ми Тебе, Христа,
в сердце всегда имети.
Изволь во мне обитати,
благ мне являйся,
Мною грешным, недостойным
не возгнушайся.
Изчезе в болезни живот
без Тебе, Бога,
Ты мне крепость и здравие,
Ты слава многа.
Радуюся аз о Тебе
и веселюся,
И Тобою во вся веки,
Боже, хвалюся.
Между 1675 и 1681
Василий Кириллович Тредиаковский
(1703–1769)
Сонет
Боже мой! Твои судьбы правости суть полны!
Изволяешь Ты всегда к нам щедротен быти;
Но я тако пред Тобой человек зол дольны,
Что уж правде мя Твоей трудно есть простити.
Ей! мой Господи! грехи что мои довольны,
То не могут и Тобой всяко мук избыти:
Ты в моем блаженстве сам будто бы не вольны,
Вся, и милость мя Твоя хочет погубити.
Буди же по-Твоему, то когда Ти славно,
Слезы на мои гневись, очи льют что явно;
Ин греми; рази, пора, противна противный.
Чту причину, что Тебя так ожесточает;
Но по месту поразишь каковому, Дивный?
Мя всего Христова кровь щедро покрывает.
<1735>
Парафразис молитвы Ионины
Возопих в скорби моей.
Ионы, глава 2
Я в скорби к Господу моей
От сердца возопил стеная;
Бог мой меня в печали сей
Услышал, милость поминая.
Услышал Ты, о! Боже, глас
И вопль мой из зверина чрева;
Хоть в глубину низверг от гнева,
Хоть реки залили там враз,
Однак не презрил горька рева.
Вся высота по мне прешла,
Вся глубина меня прияла,
Вся и широкость обошла,
Отверста мраков бездна стала;
Всего покрыли горы вод,
Шум токов оглушил ужасный,
Всему явился вид зол властный
И влажный пропастей испод.
О! коль тогда я был злосчастный.
Изрек я в горести сие:
«Отринут, обретаюсь ныне,
И все стенание мое
Здесь от Твоих очей в долине;
Уже к тому я не узрю