Тропарь благоверному князю Петру и княгине Февронии, глас 8-й

Яко благочестиваго корне пречестная отрасль был еси, добре во благочестии пожив, блаженне Петре, тако и с супружницею твоею премудрою Феврониею, в мире Богу угодивше, и преподобных житию сподобистеся: с нимиже молитеся Господеви сохранити без вреда Отечество ваше, да вас непрестанно почитаем.

Кондак, глас тойже

Мира сего княжение и славу временну помышляя, сего ради благочестно в мире пожил еси, Петре, купно с супружницею твоею премудрою Феврониею, милостынею и молитвами Богу угодивше. Темже и по смерти неразлучно во гробе лежагце, исцеление невидимо подаваете. И ныне Христу молитися сохранити град же и люди, иже вас славящих.

Молитва благоверному князю Петру и княгине Февронии, чудотворцем Муромским

О велицыи угодницы Божии и предивнии чудотворцы благовернии княже Петре и княгине Февроние, града Мурома предстатели и хранители, и о всех нас усерднии ко Господу молитвенницы! К вам прибегаем и вам молимся с упованием крепким: принесите за нас грешных святыя молитвы ваши ко Господу Богу и испросите нам благости Его вся благопотребная душам и телесем нашим, веру праву, надежду благу, любовь нелицемерну, благочестие непоколебимое, в добрых делех преуспеяние, мира умирение, земли плодоносие, воздуха благорастворение, душам и телесем здравие и вечное спасение. Исходатайствуйте у Царя Небеснаго всей державе Российской мир, тишину, и благоустроение, и всем нам житие благополучное и добрую христианскую кончину. Оградите Отечество ваше, град Муром и вся грады Российския от всякаго зла и вся правоверныя люди, к вам приходящия и мощем вашим покланяющияся, осените благодатным действом благоприятных молитв ваших и вся прошения их во благо исполните. Ей, чудотворцы святи! Не презрите молитв наших со умилением вам возносимых, но будите о нас приснии предстатели ко Господу и сподобите нас помощию вашею святое спасение вечное получити и Царствие Небесное унаследовати; да славословим неизреченное человеколюбие

Отца и Сына и Святаго Духа, в Троице покланяемаго Бога, во веки веков. Аминь.

Святой священномученик Панкратий Тавроменийский помогает в разных немощах и болезнях.

Мощи святителя покоятся в храме его имени в Риме.

Панкратий, уроженец Антиохии, в юности был с отцом своим в Палестине, где сподобился видеть и слышать Господа Иисуса Христа. Примерно в 40 году в Антиохию прибыл один из апостолов. Панкратий крестился вместе со своим отцом, а в 45 году был поставлен апостолами Петром и Павлом во епископа сицилийского города Тавромина. В Тавромине он обличал бессилие идолов и проповедовал спасительную веру во Христа, подтверждая учение знамениями и чудесами, исцеляя всякие болезни и изгоняя бесов. Постепенно он обратил к святой вере многих граждан и построил церковь. Когда же увеличилась его паства, некто Артагаст, родом хананеянин (из африканских финикиян), пригласил его в языческое капище бога Скамандра, бросил через отверстие пола в горную расщелину, а несколько других язычников побили святого епископа камнями.

Тропарь священномученику Панкратию Тавроменийскому, глас 8-й

Яко стрела огнезрачная, от Верховнаго послан был еси Тавроменийскому престолу уязвляти безбожных злочестие, верных же сердца просвещати, яко боговещанными твоими словесы в вере утвердив и течение совершив, пострадал еси даже до крове, священномучениче Панкратие, моли за вся, поющия память твою.

Кондак, глас тойже

Светлая тавромениом, Панкратие звезда показался еси и священнострадалец явился еси за Христа: Емуже ныне предстоя, моли за чтущие тя, блаженне.